Þetta eru enginn geimvísindi

Að koma sér í form eru engin geimvísindi, samt sem áður virðist þetta flækjast mjög fyrir mörgum. Ég var ein af þeim sem var alltaf að leita af einhverri töfralausn til að grennast og koma mér í form. En svo þegar ég byrjaði í stjörnuþjálfuninni uppgötvaði ég að þetta er í alvörunni bara ekkert flókið og hér er vel við hæfi að nota orðatiltækið : þú uppskerð eins og þú sáir! Ég vissi það nú samt örugglega alltaf innst inni að þetta væri voðalega einfalt, en ég bara einfaldlega nennti því ekki, fannst það of mikil vinna og of tímafrekt. Að koma sér í form og halda sér í formi er mikil vinna og tekur tíma, en í enda dags er það svo algjörlega þess virði og verður alltaf auðveldara og auðveldara. Hreyfing verður partur af deginum og maður getur hreinlega ekki lifað án þess þegar það kemst upp í vana. Svo hér er formúlan af því að grennast og koma sér í form, ekki í neinum töfrabúningi heldur bara einföld og hreinskilin :  

Almennileg hreyfing 4-5 sinnum í viku og hollt mataræði !  

Því meira sem þú hreyfir þig og því meira sem þú tekur á því í hvert skipti, því meiri árangri nærðu! Þetta er i alvörunni svona einfalt og ég er lifandi sönnun þess ásamt hinum fjórum stjörnuþjálfunarvinkonum minum :) En ég vil ítreka það að þetta er einfalt en alls ekkert auðvelt. Þetta er vinna, vinna, vinna og aftur vinna, en svo alls ekki leiðinleg vinna! 

Að borða hollt krefst mikill skipulagningar til að byrja með, því það er alltaf erfitt að breyta út frá vananum. Það kemst svo fljótt upp í vana. Mér fannst þetta gríðalega mikill hausverkur til að byrja með, en núna er þetta bara alls ekkert erfitt.Til þess að vita hvað maður á að borða þarf maður fyrst að fræðast aðeins um næringarefni, hitaeiningar og blóðsykur svo eitthvað sé nefnt. Þessar upplýsingar eru flæðandi um allan veraldarvefinn og ætti ekki að vera flókið að finna. Síðan þarf maður að læra að lesa á umbúðir. Ég er að borða svona 1500-1700 hitaeiningar á dag og passa upp á að borða mikið grænmeti og ávexti. Til þess að ég verði ekki svöng passa ég mig að borða fæðu sem hefur lágan blóðsykursstuðul. Fæða sem hefur lágan blóðsykursstuðul stuðlar að því að við höldum blóðsykrinum tiltölulega stöðugum yfir daginn og hann er ekki að rokka upp og niður. Ef við borðum hins vegar fæðu með háan blóðsykursstuðul, eins og til dæmis mjög kolvetnisríka máltið eins og pasta eða brauð, ríkur blóðsykurinn mjög hratt upp. Það er bara þannig að flest allt sem fer hratt upp, fer líka hratt niður og ef blóðsykurinn fer mikið niður verðum við aftur svöng þó svo að við séum nýbúin að borða. Svo ef við reynum að halda blóðsykrinum stöðugum verðum við minna svöng yfir daginn og borðum ekki meira en við þurfum. 

Ég hef komist að þeirri niðurstöðu að skipulagning og undirbúningur er lykillinn að hollu og góðu mataræði. Það kannast allir við það að verða ógeðslega svangur eða svöng og stökkva inn í næstu búð og áður en maður veit af er maður búinn að gúffa í sig heilli langloku og með því. Til þess að koma í veg fyrir að svona atburðarás fari af stað veður maður að vera undirbúinn fyrir daginn og taka með sér nesti fyrir allan daginn. Það er líka gott að hafa alltaf á sér lítið próteinstykki eða hnetur til að grípa til ef maður verður skyndilega svangur og hefur engan mat. Ég vakna oftast bara aðeins fyrr á morgnanna og útbý mér nesti fyrir daginn. Ég tek með mér hádegismat, 2 millimál og hnetur eða eitthvað slíkt til vara ef ég skyldi verða skyndilega svöng. Svo tek ég alltaf með mér vatnsbrúsa og passa upp á að hann sé alltaf fullur af ísköldu og góðu vatni yfir daginn! 

Vona að þetta hjálpi einhverjum að breyta yfir í hollari lífstíl ! :) 

  

 

svo mikið satt !

 

góður morgunmatur til að byrja góðan og hollan dag er lykilatriði !

 

Eigið góða og holla helgi !

 

kveðja, Auður Guðmundsdóttir 

Athugasemdir

[Vala (IP-tala skráð) 31.10.2011 kl. 16:51]

Góð lesning :) 

Langar bara að benda á að neðsta myndin er tekin af anorexíu heimasíðu myndi bara eyða henni út stat :)

[Erna (IP-tala skráð) 31.10.2011 kl. 20:09]

hvernig hnetur ertu að borða?

[Auður Guðmundsdóttir, 3.11.2011 kl. 21:22]

Já takk fyrir ábendinguna vala ! ég hafði ekkert gert mér grein fyrir þessu, afsaka þetta, boðskapurinn átti auðvitað ekki að vera sá.

Heyrðu Erna, ég er bara með svona hnetu mix í boxi sem ég blanda sjálf og er bara með alskonar í því. Kasjuhnetur, möndlur, sólblómafræ, þurkaða ávexti eins og banana, rúsínur og þurrkuð goji ber. Þú getur eiginlega bara sett hvaða hnetur í sem þig lystir :)